అథర్వణవేదము - కాండము 1 - సూక్తములు 6 నుండి 10 వరకూ
| ←ముందరి అధ్యాయము | అధర్వణవేదము (అథర్వణవేదము - కాండము 1 - సూక్తములు 6 నుండి 10 వరకూ) | తరువాతి అధ్యాయము→ |
అధర్వణవేదము - కాండము 1 - సూక్తము 6
[మార్చు]శం నో దేవీరభిష్టయ ఆపో భవన్తు పీతయే |
శం యోరభి స్రవన్తు నః ||1||
అప్సు మే సోమో అబ్రవీదన్తర్విశ్వాని భేషజా |
అగ్నిం చ విశ్వశంభువమ్ ||2||
ఆపః పృణీత భేషజం వరూథం తన్వే మమ |
జ్యోక్చ సూర్యం దృశే ||3||
శం న ఆపో ధన్వన్యాః శము సన్త్వనూప్యాః |
శం నః ఖనిత్రిమా ఆపః శము యాః కుమ్భ ఆభృతాః |
శివా నః సన్తు వార్షికీః ||4||
అధర్వణవేదము - కాండము 1 - సూక్తము 7
[మార్చు]స్తువానమగ్న ఆ వహ యాతుధానం కిమీదినమ్ |
త్వం హి దేవ వన్దితో హన్తా దస్యోర్బభూవిథ ||1||
ఆజ్యస్య పరమేష్ఠిన్జాతవేదస్తనూవశిన్ |
అగ్నే తౌలస్య ప్రాశాన యాతుధానాన్వి లాపయ ||2||
వి లపన్తు యాతుధానా అత్త్రిణో యే కిమీదినః |
అథేదమగ్నే నో హవిరిన్ద్రశ్చ ప్రతి హర్యతమ్ ||3||
అగ్నిః పూర్వ ఆ రభతాం ప్రేన్ద్రో నుదతు బాహుమాన్ |
బ్రవీతు సర్వో యాతుమానయమస్మీత్యేత్య ||4||
పశ్యామ తే వీర్యం జాతవేదః ప్ర ణో బ్రూహి యాతుధానాన్నృచక్షః |
త్వయా సర్వే పరితప్తాః పురస్తాత్త ఆ యన్తు ప్రబ్రువాణా ఉపేదమ్ ||5||
ఆ రభస్వ జాతవేదో ऽస్మాకార్థాయ జజ్ఞిషే |
దూతో నో అగ్నే భూత్వా యాతుధానాన్వి లాపయ ||6||
త్వమగ్నే యాతుధానానుపబద్ధాఁ ఇహా వహ |
అథైషామిన్ద్రో వజ్రేణాపి శీర్షాణి వృశ్చతు ||7||
అధర్వణవేదము - కాండము 1 - సూక్తము 8
[మార్చు]ఇదం హవిర్యాతుధానాన్నాదీ పేనమివ ఆ వహత్ |
య ఇదం స్త్రీ పుమానకరిహ స స్తువతాం జనః ||1||
అయం స్తువాన ఆగమదిమం స్మ ప్రతి హర్యత |
బృహస్పతే వశే లబ్ధ్వాగ్నీషోమా వి విధ్యతమ్ ||2||
యాతుధానస్య సోమప జహి ప్రజాం నయస్వ చ |
ని స్తువానస్య పాతయ పరమక్ష్యుతావరమ్ ||3||
యత్రైషామగ్నే జనిమాని వేత్థ గుహా సతామత్త్రిణాం జాతవేదః |
తాంస్త్వం బ్రహ్మణా వావృధానో జహ్యేషాం శతతర్హమగ్నే ||4||
అధర్వణవేదము - కాండము 1 - సూక్తము 9
[మార్చు]అస్మిన్వసు వసవో ధారయన్త్విన్ద్రః పూషా వరుణో మిత్రో అగ్నిః |
ఇమమాదిత్యా ఉత విశ్వే చ దేవా ఉత్తరస్మిన్జ్యోతిషి ధారయన్తు ||1||
అస్య దేవాః ప్రదిశి జ్యోతిరస్తు సూర్యో అగ్నిరుత వా హిరణ్యమ్ |
సపత్నా అస్మదధరే భవన్తూత్తమం నాకమధి రోహయేమమ్ ||2||
యేనేన్ద్రాయ సమభరః పయాంస్యుత్తమేన బ్రహ్మణా జాతవేదః |
తేన త్వమగ్న ఇహ వర్ధయేమం సజాతానాం శ్రైష్ఠ్య ఆ ధేహ్యేనమ్ ||3||
అషాం యజ్ఞముత వర్చో దదే ऽహం రాయస్పోషముత చిత్తాన్యగ్నే |
సపత్నా అస్మదధరే భవన్తూత్తమం నాకమధి రోహయేమమ్ ||4||
అధర్వణవేదము - కాండము 1 - సూక్తము 10
[మార్చు]అయం దేవానామసురో వి రాజతి వశా హి సత్యా వరుణస్య రాజ్ఞః |
తతస్పరి బ్రహ్మణా శాశదాన ఉగ్రస్య మన్యోరుదిమం నయామి ||1||
నమస్తే రజన్వరుణాస్తు మన్యవే విశ్వం హ్యుగ్ర నిచికేషి ద్రుగ్ధమ్ |
సహస్రమన్యాన్ప్ర సువామి సాకం శతం జీవాతి శరదస్తవాయమ్ ||2||
యదువక్థానృతమ్జిహ్వయా వృజినం బహు |
రాజ్ఞస్త్వా సత్యధర్మణో ముఞ్చామి వరుణాదహమ్ ||3||
ముఞ్చామి త్వా వైశ్వానరాదర్ణవాన్మహతస్పరి |
సజాతానుగ్రేహా వద బ్రహ్మ చాప చికీహి నః ||4||
| ←ముందరి అధ్యాయము | అధర్వణవేదము | తరువాతి అధ్యాయము→ |