అథర్వణవేదము - కాండము 1 - సూక్తములు 11 నుండి 15 వరకూ
| ←ముందరి అధ్యాయము | అధర్వణవేదము (అథర్వణవేదము - కాండము 1 - సూక్తములు 11 నుండి 15 వరకూ) | తరువాతి అధ్యాయము→ |
అధర్వణవేదము - కాండము 1 - సూక్తము 11
[మార్చు]వషట్తే పూషన్నస్మిన్త్సూతావర్యమా హోతా కృణోతు వేధాః |
సిస్రతాం నార్యృతప్రజాతా వి పర్వాణి జిహతాం సూతవా ఉ ||1||
చతస్రో దివః ప్రదిశశ్చతస్రో భూమ్యా ఉత |
దేవా గర్భం సమైరయన్తం వ్యూర్ణువన్తు సూతవే ||2||
సూషా వ్యూర్ణోతు వి యోనిం హాపయామసి |
శ్రథయా సూషణే త్వమవ త్వం బిష్కలే సృజ ||3||
నేవ మాంసే న పీవసి నేవ మజ్జస్వాహతమ్ |
అవైతు పృశ్ని శేవలం సునే జరాయ్వత్తవే ऽవ జరాయు పద్యతామ్ ||4||
వి తే భినద్మి మేహనం వి యోనిం వి గవీనికే |
వి మాతరం చ పుత్రం చ వి కుమారం జరాయుణావ జరాయు పద్యతామ్ ||5||
యథా వాతో యథా మనో యథా పతన్తి పక్షిణః |
ఏవా త్వం దశమాస్య సాకం జరాయుణా పతావ జరాయు పద్యతామ్ ||6||
అధర్వణవేదము - కాండము 1 - సూక్తము 12
[మార్చు]జరాయుజః ప్రథమ ఉస్రియో వృషా వాతాభ్రజా స్తనయన్నేతి వృష్ట్యా |
స నో మృడాతి తన్వ ఋజుగో రుజన్య ఏకమోజస్త్రేధా విచక్రమే ||1||
అఙ్గేఅఙ్గే శోచిషా శిశ్రియాణం నమస్యన్తస్త్వా హవిషా విధేమ |
అఙ్కాన్త్సమఙ్కాన్హవిషా విధేమ యో అగ్రభీత్పర్వాస్యా గ్రభీతా ||2||
ముఞ్చ శీర్షక్త్యా ఉత కాస ఏనం పరుష్పరురావివేశా యో అస్య |
యో అభ్రజా వాతజా యశ్చ శుష్మో వనస్పతీన్త్సచతాం పర్వతాంశ్చ ||3||
శం మే పరస్మై గాత్రాయ శమస్త్వవరాయ మే |
శం మే చతుర్భ్యో అఙ్గేభ్యః శమస్తు తన్వే మమ ||4||
అధర్వణవేదము - కాండము 1 - సూక్తము 13
[మార్చు]నమస్తే అస్తు విద్యుతే నమస్తే స్తనయిత్నవే |
నమస్తే అస్త్వశ్మనే యేనా దూడాశే అస్యసి ||1||
నమస్తే ప్రవతో నపాద్యతస్తపః సమూహసి |
మృడయా నస్తనూభ్యో మయస్తోకేభ్యస్కృధి ||2||
ప్రవతో నపాన్నమ ఏవాస్తు తుభ్యం నమస్తే హేతయే తపుషే చ కృణ్మః |
విద్మ తే ధామ పరమం గుహా యత్సముద్రే అన్తర్నిహితాసి నాభిః ||3||
యాం త్వా దేవా అసృజన్త విశ్వ ఇషుం కృణ్వానా అసనాయ ధృష్ణుమ్ |
సా నో మృడ విదథే గృణానా తస్యై తే నమో అస్తు దేవి ||4||
అధర్వణవేదము - కాండము 1 - సూక్తము 14
[మార్చు]భగమస్యా వర్చ ఆదిష్యధి వృక్షాదివ స్రజమ్ |
మహాబుధ్న ఇవ పర్వతో జ్యోక్పితృష్వాస్తామ్ ||1||
ఏషా తే రాజన్కన్యా వధూర్ని ధూయతామ్యమ |
సా మాతుర్బధ్యతాం గృహే ऽథో భ్రాతురథో పితుః ||2||
ఏషా తే కులపా రాజన్తాము తే పరి దద్మసి |
జ్యోక్పితృష్వాసాతా ఆ శీర్ష్ణః శమోప్యాత్ ||3||
అసితస్య తే బ్రహ్మణా కశ్యపస్య గయస్య చ |
అన్తఃకోశమివ జామయో ऽపి నహ్యామి తే భగమ్ ||4 ||
అధర్వణవేదము - కాండము 1 - సూక్తము 15
[మార్చు]సం సం స్రవన్తు సిన్ధవః సం వాతాః సం పతత్రిణః |
ఇమం యజ్ఞం ప్రదివో మే జుషన్తాం సంస్రావ్యేణ హవిషా జుహోమి ||1||
ఇహైవ హవమా యాత మ ఇహ సంస్రావణా ఉతేమం వర్ధయతా గిరః |
ఇహైతు సర్వో యః పశురస్మిన్తిష్ఠతు యా రయిః ||2||
యే నదీనాం సంస్రవన్త్యుత్సాసః సదమక్షితాః |
తేభిర్మే సర్వైః సంస్రావైర్ధనం సం స్రావయామసి ||3||
యే సర్పిషః సంస్రవన్తి క్షీరస్య చోదకస్య చ |
తేభిర్మే సర్వైః సంస్రావైర్ధనం సం స్రావయామసి ||4||
| ←ముందరి అధ్యాయము | అధర్వణవేదము | తరువాతి అధ్యాయము→ |