448
శ్రీ రా మా య ణ ము
-: రావణుఁడు పరాక్రమించుట చూచి శ్రీరాముఁడు లోక మంతయుఁ దల్ల డిల్లునటొక బాణము నాతని పైఁ బ్రయోగించుట -దేవతలు శ్రీరామునికి జయమగుఁగాక యని యాశీర్వదించుట :-
రథిక శేఖరుఁడైన - రఘుపతి మెచ్చ
దిరిగింప నతఁడేయు . దివ్యాస్త్రకోటి
నఱికి వేయుచును దా - నవనాథుమీఁదఁ
గనుబొమల్ ముడిగొన - కల్పాంతరమున
కెనగాఁగ మండలీ - కృత చాపుఁడగుచు 10210
నెనిమిది తూపుల - నెనిమిది హరుల
గినిసి వేసిన నవి - కేడించి పఱచి
యరదమీడ్చుకపోవ - నలిగి రావణుఁడు
పరశుతోమరకుంత - పట్టిసప్రాస
ముసలగదా ప్రాస - ముద్గరాదులను
దెసలు గప్పఁగ వ్రేయఁ - దెగవేయుటయును
మఱికొన్ని తూపుల - మాతలి నేసి
హరులఁ గొన్నిటి నేసి - యస్త్రజాలముల
తనమీద ముంప సీ - తాప్రాణవిభుఁడు
కనఁగన వెలఁగు మా -ర్గణ మొక్కటేర్చి 10220
అల్లెతో సంధించు - నాగ్రహంబునకు
హల్లోహలంబులై - యదరె లోకములు
జలధులన్నియు నొక్క - సంగతిఁ గలఁగె
కులశైలములు గల - గుండుగాఁ బడియె
అవని బిట్టురువడి - నల్లలనాడె
రవి మండలంబు ని - రస్తాభమయ్యె
