153
యు ద్ధ కాం డ ము
గావలసినఁ ద్రుంపఁ - గల కార్య నిధివి
యీలంక సాధించు - టెంతమీ" కనిన 3390
నాలించి రఘువీరుఁ - డతనితోఁ బలికె
-:శ్రీరాముడు రావణుని ప్రయత్నములకు మాఱు ప్రయత్నములు సేసి సేనానాయకులను నియోగించుట :-
"తూరుపు దెస ప్రహ - స్తునిమీఁద నీలుఁ
డాగూఢ బలుఁడుండి - యని సేయఁగలఁడు
తడయక దక్షిణ - ద్వార యోధులను
గడ తేర్చుఁగాక యం - గదకుమారుండు
చివ్వకు నయ్యింద్ర - జిత్తుని కోపు
నవ్వాయుజుఁడు పశ్చి - మాశఁ దానుండి
కమలజ వరదాన - గర్వసమేతు
నమర భయంకరు - నఖిలలోకైక
కంటకు నాదశ - కంఠునిచేతి 3400
వింటఁ బుట్టు నమోఘ - విశిఖానలమున
దహియించువాఁడ నా - తమ్ముఁడు కెలన
సహచరుఁడై యుండ - సమర రంగమున
నీయుత్తరపు దిశ - యేనుండ దనుజ
నాయకు దునుము స - న్నాహంబుతోడ
వనజాప్త సుతజాంబ - వద్విభీషణులు
మొనఁజేరి నడుచక్కి - మూఁకఁ ద్రుంపుదురు
వానర లందఱు - వానరత్వముల
చేనుండి సమరంబు - సేతురుగాక
మనుజ మూర్తులతోడ - మార్కొనవలన 3410