67
యు ద్ధ కాం డ ము
జేమోడ్చి వినతులై - శ్రీరాముఁజూచి
" దేవ ! ప్రాజ్ఞుఁడవు బు - ద్ధివిశారదుఁడవు
భావజ్ఞుఁడవు కృపా - పారంగతుఁడవు
సర్వజ్ఞుడవు శౌర్య - శాలివి సకల
నిర్వాహకుఁడవు వ - ర్ణిత చరిత్రుఁడవు 1530
వాసిగాఁ గొలిచిన - వారిగౌరవము
చేసి యిట్లానతి - చ్చితిరింతె కాని
యేమెల్ల మీచిత్త - మెఱిఁగి యుత్తరము
రామ ! యొసంగు వా - రమె ? నేర్తుమనుచు
వేఁడిన నెఱిగిన - విధమునఁ దెలుపు
వాఁడింతె కాక దే - వర సమ్ముఖమున !"
అనుచు నందఱు నన్ని - యాలోచనములు
వినుపింతు మనియుండ - విభుఁడౌటఁ జేసి
కమనీయ కాంచనాం - గదుఁ డంగదుండు
సమయోచితక్రియా - సరణి నిట్లనియె 1540
-: అంగదుఁడు తన యభిప్రాయముఁ జెప్పుట :-
"ఈ శత్రుపక్షమువాని - సకలయత్నముల
మిత్రునిగాఁగ నే - మించుట గాదు
కార్యాంతరంబులు - గని వానిహృదయ
పర్యాయ మపుడు చే - పట్టుట నీతి
గుణదోషములఁ గనుఁ - గొని దోషరహిత
గుణము గల్గినఁగాని - కూర్చుకోఁ దగదు
పరిహరణీయ మీ - పని ” యన్న యపుడు