పుట:Shriiranga-mahattvamu.pdf/326

శ్రీరంగమహత్త్వము

171

⁠

శుకములన మెఱయు నవకిం చకములఁ గనుఁగొనుము రాజళుకమృదువాణీ!

⁠ 81

క.⁠

కావలియై మధుకరపృథు కావలి చరియించు నీలతాగ్రంబున నీ కావలి విరు లేటికి మద కావలిదెస చంపకముల కరుగుద మబలా!

⁠ 82

క.⁠

కలవాణి ప్రేంఖణము మ్రోఁ కల వాసంతికల గోయఁగా నిక్కెదు నీ కలవాటు గాదు ప్రాఁకం గలవా చెలువారు వాని కడకొమ్మలకున్.

⁠ 83

వ.⁠

అనుచు నీచందంబుల విహారంబులు డెందంబున కానందంబు నొందింప నయ్యాదిమదంపతులు చరియించు సమయంబున.

⁠ 84

సీ.⁠

పరువైన కంకేళివిరుల శాఖల వ్రీలి తొరఁగు పుప్పొడి ధూళిఁ దూలఁదోలి, మాధవీకుసుమాళి మకరందములు గ్రోలి, భ్రమరించు మత్తాళి రవము నేలి, ప్రియులతో రతికేళిఁ బెనఁగి యింపుల సోలి, యలయుపాలము నోలి దెలుపఁ జాలి, కొనియాడఁదగు మేలికొలఁకులపై వ్రాలి, వీచిపంక్తుల గ్రాలి వేడ్కఁ దేలి,

⁠

తే.⁠

కలితపరిపాకభరశాలి కలమశాలి కలశసందోహములఁ దూలి, గగనపాలి మెలఁగె విరహాతురులపాలి మేటిజాలి చందనపుఁ గొండఁ బుట్టిన చల్లగాలి.

⁠ 85

ఉ.⁠

ఆనునుగాలి సోకునఁ బ్రియం బెసఁగం బులకాంకురావళుల్, మేనుల నుల్లసిల్లు మధుమేదురవంజులమంజరీచర

⁠