పుట:Shriiranga-mahattvamu.pdf/229

74

ద్వితీయాశ్వాసము

⁠

పారావారవసుంధరాతలమునం బ్రఖ్యాతులై సంతతో దారైశ్వర్యసమగ్రు లైననృపు లుద్యత్సైన్యసంయుక్తులై.

⁠ 115

ఆ.⁠

వసుధలోన ధర్మకర్మ సురుచిర వి ఖ్యాతి నెసఁగు చోళభూతలేశుఁ డజతనూజ విరచి తానందవిభవాభి రాముఁడైన రంగధాముఁ జూచి-

⁠ 116

క.⁠

ఆదేవు దివ్యమూర్తి శ్రీ దనచిత్తమునఁ గదియఁ జేర్చి నితాంతా మోదామృతమునఁ బులకలు జాదుకొనం జూడ్కి దివియఁ జాలక మదిలోన్.

⁠ 117

మ.⁠

అతులంబైన తపోవిశేషమున నీయబ్జాక్షు నిక్ష్వాకుఁ డీ గతి మెచ్చించి విరించిమందిరసురంగం బైనరంగంబు నూ ర్జితశక్తిం గొనివచ్చె నిచ్చటికి, నారీతిన్ మహావైష్ణవ వ్రతనిష్ఠారతిఁ బూని మత్పురికి రాఁ బ్రార్ధింతు నిద్దేవునిన్.

⁠ 118

చ.⁠

అని తలపోయుచున్ దశరథాధిపు యాగము సుప్రయోగమై యొనరినదాక నయ్యెడన యుండి యతండు దుదిం బ్రియంబునన్ ఘనముగఁ జేయు సత్కృతులు గైకొని క్రమ్మఱ నాత్మపట్టణం బున కరుదెంచి నిర్బర తపోనియమోద్యమ చిత్తవృత్తుఁడై.

⁠ 119

తే.⁠

ఇందు పుష్కరిణీతటి కేఁగి యచటఁ దపము గైకొన నానృపోత్తముని జూచి తత్సమీపంబునందు నితాంతనియతిఁ బాయకున్న మునీశ్వరప్రకర మెలమి.

⁠ 120

క.⁠

ఓ నరనాథోత్తమ! నీ మానసమున నేమికోర్కి మసలినఁ దపముం బూనెద వది చెప్పఁగఁ దగు నేనియు నెఱిఁగింపు మనిన నృపుఁ డిట్లనియెన్.

⁠ 121