ఈ పుట అచ్చుదిద్దబడ్డది
55
సీ. "నీప్రియభర్తల నిర్మలవృత్తులఁ
బ్రకటతేజుల లోకపాలనిభులఁ
బార్థుల నీవొకభంగిన వదలక
చెలువ యెబ్భంగి భజింతు దగిలి
యొక్కఁ డొక్కనికంటె నువిదనీకేవురు
ననురక్తు లగుట యత్యద్భుతంబు
నగుమొగంబులకాని నాతి నీదెస నెప్డు
బతులకు గిన్క యెప్పాట లేదు
వ్రతము పెంపొ మంత్రౌషథవైభవంబొ
సరస నేపథ్యకర్మకౌశలమొ చతుర
విభ్రమోల్లాసరేఖయొ వెలది నీవి
శేషసౌభాగ్యహేతువు చెపుమనాకు.
క. ఏనును నీవలన నిజము
గా నిదియంతయును నెఱిఁగి కమలదళాక్షున్
బూని వశగతునిఁ జేసి య
నూనంస్నేహానుభోగయుక్తిఁ దలిర్తున్.
క. అని యడిగిన మది నించుక
గినుక వొడమ నడచుకొనుచు గృష్ణ మృదులహా