18
శతకకవులచరిత్రము
ఈకవిగ్రంథములలో బసవపురాణము, పండితారాధ్యచరిత్రము, అనుభవసారము - తెలుఁగు; అన్యవాదకోలాహలము, బసవనపంచగద్య. సోమనాథభాష్యము, -సంస్కృతము, తక్కినవి కన్నడము"
(223 పుట, నూతనముద్రణము, ఆంధ్రకవుల చరిత్రము..)
సోమనాథుని పైగ్రంథములలో నే నెఱిఁగియున్నంతవఱ కీక్రింది గ్రంథములు మన కిప్పుడు లభ్యము లగుచున్నవి. కవులచరిత్రలోని భాషావిభాగము సరియైనది కాదు.
1 బసవపురాణము (ద్విపద) తెలుఁగు ముద్రితము.
2 సోమనాథభాష్యము సంస్కృతము ముద్రితము
3అనుభవసారము (పద్యము) తెలుఁగు ముద్రితము
4 పండితారాధ్యచరిత్రము (ద్విప) తెలుఁగు ముద్రితము
5 చతుర్వేదసారము (పద్యము) తెలుఁగు ముద్రితము
6. వృషాధిపశతకము (పద్యము) తెలుఁగు ముద్రితము
ఇంతవఱ కీగ్రంథము లన్నియు రాజమహేంద్రవరమున భాండాగారమున నున్నవి.
7 చెన్నమల్లు సీసములు " " " " "
8 రుద్రభాష్యము
9 బసరగడ
10 గంగోత్పత్తిరగడ
11 శ్రీబసవాడ్యరగడ
12 సమస్కారగద్య
13 అక్షరాంకగద్య
14 సద్గురురగడ.
15 పంచప్రకారగద్య
ఈగ్రంథములు నేను చూడలేదు. ఇంకను గొన్నికన్నడగ్రంథములు వ్రాసినట్లు కన్నడకవిచరిత్రమునం దున్నది. ఈవ్యాసాంతమున నుద్ధ్రుత మైనభాగమును జూడుఁడు. అందుఁ గన్నడగ్రంథముల వివరములు తెలియఁగలవు. సోమనాథునిగ్రంథములు కొన్ని కన్నడమునను, సంస్కృతమునను గూడఁజిక్కుచుండవచ్చును. ఈతనిబసవపురాణమే కర్ణాటకబసవపురాణమువ్రాసిన భీమకవి మాతృక.
పాలుకురికి సోముఁడు ప్రథమప్రతాపరుద్రునికాలమువాఁ డని కవులచరిత్రమునందు వివరముగఁ జర్చించియున్నవిషయ మగుట
