ఈ పుట ఆమోదించబడ్డది
79
శశికళ
నర్తకి
భూలోకానికి పూర్వపువైపున
ఆకాశానకు ఆవలిదెసలో
మూర్తించినదొక నర్తన శాలా
స్ఫూర్తిత వర్ణాతీత ప్రభాసము.
సముచిత వేషా సుందర రూపవు
విమల విభూష విచిత్రవి యచ్చర
వై పారిభద్ర మందార కుసుమ
మాలా చర్చిత వేణీ భరవై
రంగస్థలాన అవనిక ముందర
శృంగారవతీ నిల్చినావటే !
అచ్చర పడతులు హంగైపొల్చిలి
ఆ తోద్యమ్ములు నాల్గు వాద్యములు
తతానద్ధ సుషిర ఘనాలంకృతలై
చతురలు,తౌర్య త్రికమునకు శలలు
నృత్య నాయికా ! నీకెలకులలో
నిల్చిరి వివిధాలంకృత నాట్యవేషులై !