ఈ పుట అచ్చుదిద్దబడ్డది
450
పరమయోగివిలాసము.
చలదలమకరందసంకీర్ణ విమల
నలిన కైరవకోకనదపుండరీక
కలకంఠ చక్రవాక క్రౌంచహంస
కులకలరావసంకుల మైనకొలను
అరయంగఁ దత్పురప్రాంతంబు నందుఁ
గర మొప్పు ధవళపుష్కరిణి యనంగఁ
గమలాక్షు నాజ్ఞ నక్కమలాకరమునఁ
గొమరొందు నొక దివ్యకుముదంబునందు
గడివోని పూముల్కి గతి వేల్పు జెలువ
పొడమి యవ్విరిసెజ్జఁ బొలు పొందునంతఁ
జంక మందులసంచి జగజంపువలువ
పొంకమై నిజకర్ణముల నొప్పుదూది
కునివడఁ జుట్టిన కుఱుమాపుపాగ
యనువంద పంచలోహంపుటుంగరము
నురుతరం బైనట్టి యూర్థ్వపుండ్రంబు
కరమొప్పు వలకేలికరకకాయలును
బెరయఁ బచ్చడముతోఁ బెనుపడసంది
నరగనుపట్టు బాహాటపుస్తకముఁ
బనుపడ లో గుణపాఠంబుఁ జదివి
కొనుచు మూలికలు దిక్కులఁ జూచికొనుచుఁ