ఈ పుట ఆమోదించబడ్డది
పరమయోగివిలాసము
చతుర్థాశ్వాసము.
హైమసరోజాంగ! యలమేలుమంగ!
జీమూతసంకాశ! శ్రీవేంకటేశ!
మునిశాలికాసారముఖ్యభక్తాళి
వనమాలి! యవధారువరదానశీలి!
భావించి మన్నీటిపడ తులలోనఁ
గావేరిసరి యెన్నఁ గావేరి [1]యనఁగ
దీపించుపుణ్యవదీమణిచెంతఁ
జూపట్టు శుభలీలఁ జోళదేశమున
నలరు మండంగుడి యనుపేరు గలిగి
జలజాత[2]జాతుని జలజాక్షి యఱితి
యగ్రహారంబన ననువొంది యున్న
యగ్రహారం బొప్పు నమితసంపదల
నాసురరిపుచరణాసక్తు లైన
భూసురవర్యు లెప్పుడు సప్పురమున