ఈ పుట అచ్చుదిద్దబడ్డది
చేజో - చేట 791 చేట - చేటు
చేజోడి
- చేతులు చేతులు పట్టుకొని పోవువాడు.
- "వ్రీడ యించుక లేని చేజోడి బొజుగు." కవిక. 4. 99.
చేట కొట్టు
- ఇం కేమీ లే దను.
- ధాన్యం అయిపోయిన దని చేటను తట్టుటపై వచ్చిన పలుకుబడి.
చేటకొల్లారు
- త్రిశాల. గృహవిశేషం. ఆంధ్ర. భా. ద్వి. 161.
చేట చేరుపుగా
- గోడకు చేట నానించినట్లు - కొంచె మేటవాలుగా.
- "చేట చేరుపుగా పెట్టవే పళ్ళెం. పడ గలదు." వా.
చేట పెయ్య
- 1. పనికి మాలినవాడు.
- "చెఱచుటకు చేట పెయ్య చాలును." సా.
- 2. దూడ పోగా గడ్డి, చర్మంతో కుట్టిన దూడరూపు.
చేటప్పు
- చేబదులు.
- అందులో డబ్బయితే చేతి అప్పు, ధాన్యమయితే చేటప్పు.
చేట యెత్తుక వచ్చు
- తన్నుటకై వచ్చు.
- ఆడవాళ్లు సామాన్యంగా చేటతోనూ, పొరకతోనూ కొట్టుటా, కొట్టుదు మనుటా అలవాటు. అందుపై వచ్చిన పలుకుబడి.
- "చెవు డనఁగా రాదు చేట యెత్తుక వచ్చు." శుక. 3. 21.
చేటలో పడినదిమొదలు కాటిలో పడువఱకు
- పుట్టినదిమొదలు చచ్చు వఱకు.
- "చేటలోఁ బడినదిమొదలు కాటిలోఁ బడువఱకు, మనము ప్రత్యక్షముగ, నిరంతరముగ నేడువవలసిన యేడుపులు మనకుఁ జాలునా?" సాక్షి. 66.
- పూర్వకాలం మంత్రసానులు పిండం బయట పడగానే చేటలో పెట్టు అలవాటుపై వచ్చిన పలుకుబడి.
చేటలో పడు
- పుట్టు.
- చూ. చేటలో పడినది మొదలు...
చేటుకాలము
- వినాశకాలము.
- "చేటుకాల మైనఁ బ్రతిపట్టి నంతియ." భార. ద్రోణ. 4. 291.
- "నరకుఁ డిమ్మెయి, గారించెం దనకుఁ జేటుకాలంబునకున్." ఉ. హరి. 1. 114.
- ఇది నేటికీ చిత్తూరు ప్రాంతంలో విశేషంగా ఉపయోగిస్తారు.