ఈ పుట అచ్చుదిద్దబడ్డది
ఇల్లా_____ఇల్లు 171 ఇల్లు_____ఇల్లు
ఇల్లాలు
- గృహిణి.
ఇల్లిగ్గులు
- సంకోచములు.
- "ఇల్లిగ్గులు గానవచ్చి హృదయములో నన్." ఉ. హరి. 5. 166.
- శై. ర. లోనూ - దాని ననుసరించి కావచ్చు వావిళ్లని. లోనూ ఉన్న 'వెనుక కొఱగుంటలు' అన్న అర్థం ఇక్కడ కుదురుట లేదు.
ఇల్లి ముక్కు
- ముక్కులో నెత్తురు కారే ఒక రోగము.
ఇల్లు ఇరకటం ఇల్లాలు మర్కటం
- అన్నీ యిబ్బందులే అన్న అర్థంలో ఉపయోగిస్తారు. ఒక సామెతపై వచ్చిన పలుకుబడి.
- "నా దంతా మహాయిబ్బందిగా ఉంది. ఇల్లు యిరకటం ఇల్లాలు మర్కటం." సా.
ఇల్లు కట్టుకొను
- శాశ్వతంగా ఉండు.
- "నిరతమును నిల్లు గట్టుకొ మ్మరుగు మింక." సుకన్య. 39.
ఇల్లు కశలం
- ఇల్లు ఇరకట మనుట.
- "ఇల్లు కశలంగా ఉంది." వా.
ఇల్లు కాలా
- ఒక తిట్టు.
- 'దాని, వాని' ఇలా కలిపే వాడుక.
- "వా నిల్లు కాలా." వా.
- "దానిల్లు కాలా. ఏమిరంపు చేస్తుందమ్మా." వా.
ఇల్లు గట్టుకొను
- స్థావర మేర్పరచుకొను, నివసించు.
- "కొడుకులును దోడ రా న,ట్టడవిని నిలు గట్టికొంటి వటరా." పాండవాశ్వ. 33.
ఇల్లు గడచు
- జీవనము జరగు.
- "ఇల్లు గడవడమే కష్టంగా ఉంది. ఇంక ఒకరికి ఏం పెడతాం?" వా.
ఇల్లు గుల్ల చేయు
- కొంప పాడు చేసుకొను.
- "ఇల్లు గుల్లగ జేసి యిల్లాలి నెగ రోసి వేశ్యకై యూరూరు వెడలువారు." చింతా. 4. 37.
ఇల్లు చాలదు
- చాలినంత వసతి లే దనుట.
- "పిల్ల లందరు వస్తే ఈ యిల్లు చాలదు." వా.
ఇల్లు చెఱచు
- కులనాశనము చేయు.
- "బాలికాగ్రగణ్య లీలావతీకన్య, యిల్లు చెఱప బొడమె నేమొ యనుచు." శుక. 1. 459.
ఇల్లు చేరుకొను
- ఎక్కడి కైనా వెళ్లి తిరిగీ యింటికి వచ్చు.
