నాయకురాలు
57
చన్నకృష్ణుని - చక్కదనంబును - సందర్శింపగ రండు
ముద్దుకృష్ణుని మురళీనాదము - మోగుచుండు వినుడు
తలచిన - తలపు లెరుగు నతడు
పిలువక - పలకరించువాడు
పేదల - పెద్దజేయు ఘనుడు
పండిత పామర భేదంబులను పాటింపనివాడు.
క. దా : ఆహా ! నా హృదయం పొంగిపోతున్నది. ఏడీ చెన్నకేశవుడు ? సేవించంది నే వుండలేను.
బ్రాహ్మణుడు : ఎట్లా సేవిస్తావు ?
క. దా : వెళ్లి ఆలింగనంచేసుకుంటా. అంతటితో నా తాపము. ఆరిపోతుంది. అయ్యో నే భరించలేను.
బ్రాహ్మ : జన్మానా స్నానం జెయ్యని యీ మురికిశరీరంతో నేనా, నీవు ఆలింగనం చెయ్యడం ? చెన్న కేశవుడు మైలబడడూ ?
కన్నమదాసు: మైలబడతాడా, అయ్యో! మరెట్లా? దూరంగావుండి రెండు పూలు ఆయన పాదాలమీదపెట్టి చిన్నంగా వత్తుతా.
బ్రాహ్మ: నీ చేతు లొంకా తోళ్లకంపుకొడుతూనే వున్నవి. వాటితోనే అంటుకుంటావూ ?
క. దా: స్వామి సన్నిధిలో ఆయన వినేటట్టుగా కీర్తనలయినా పాడుకుంటా.
బ్రాహ్మ: బ్రాహ్మణుల నోట వచ్చే సామగానాలు వినేవాడు, నీ బొల్లిపాటలు వినవచ్చాడా ?
క. దా : అయ్యో, వినడా, మఱి నా గతేమి ? పోనీ ఎదటికిపోయి కండ్లతో నయినా చూస్తా. ఆ రూపం కండ్లతో జూచి ఆనందిస్తా.
