ఈ పుట అచ్చుదిద్దబడ్డది
నాయకురాలు
127
కంఠాలు నులి పేటి - కంబాలనాగి
మారెమ్మ అంకమ్మ - మద్దిరామమ్మ
రండెఱ్ఱపోదాము - రణరంగమునకో.
కఱ్ఱలు అంబులు - గండ్రగొడ్డండ్లు
ఈటెలు బాకులు - విచ్చుకత్తులును
పెద్దఫిరంగులు - భిండివాలములు
రంపాలు బరిసెలు - రహినొప్పబట్టి
ఆవేశపరవశు - లైన సైనికుల
కొవ్విన గుఱ్ఱాల - గొఱ్ఱెపొట్టేళ్ల
వీరుల రొమ్ముల - ఏనుగుతలల
చిదిమి ముక్కలుగాగ - చీల్చుతున్నారో.
కారేటి రక్తాన్ని - కలగల్పు జేసి
కడవల బానల - గాబులనిండ
పట్టించి వుంచుతా - పానకంబునకు
తందనాలాడుతూ - తాగుదురుగాని
తలకుబోసుకొనండి - తానమాడండో.
కోట్లాదిశవముల - కోయించినాను
కుప్పలువేయించి - కుళ్లిపోకుండ
యెండ బెట్టించాను - కొండలయెత్తు
పీనుగుగుట్టల - పీటలమర్తు
కేరింతలాడుతు - కేకిసలుగొడుతు
బువ్వపుబంతుల - పొలుపుమీరంగ
తిని తిని మీరెల్ల - త్రేపంగవచ్చో.
