ఈ పుట ఆమోదించబడ్డది
16) మనసు బీడుపై నీచూపుల వర్షాన్ని కురిపించు
నాలో నవ్వులమొక్కలు మొలకెత్తక చాలా కాలమయ్యింది
17) ఎదుగుతున్న కొమ్మలేగా నీతలపులు
మదిలో మహావృక్షమైన నాప్రేమకి
18) విశ్వవిజేతనే..!
నీ శిలాహృదయంలో నాప్రేమవిత్తులు మొలకెత్తించగల్గితే
19) ఒకటే తుమ్ములూ, దగ్గులు
నీజ్ఞాపకాలు జడివానగ కురుస్తుంటే
20) గజీతగాడినే...ఏంలాభం
నీ ప్రేమసాగరంలో గజమైనా ఈదలేకపోయా
21) సంధించిన నీశరం లక్ష్యాన్నే తాకింది
నేను పోగేసుకున్న కలలన్నీ చెల్లాచెదురయ్యాయి
22) నిజమే...మదాంధుడినే..!
నీజ్ఞాపకాల గర్వంతో నిన్ను గుడ్డిగాప్రేమిస్తూ
23) నాకథ పంచమవేదమే
నీఅష్టాదశ ప్రణయపర్వాలతో
24) నాకే కాదు
నిరంతరం వేధించే నాఏకాంతానికీ నిదురలేదు
25) నాది ఊష్ణపు శరీరమే మరి..!
నీజ్ఞాపకాల కుంపటి గుండెల్లో రగిలించాక
