ఈ పుట ఆమోదించబడ్డది
56. పరిమళాలు గాలికి గంధాలద్దుతున్నాయి
చెలి చెక్కిళ్ళు తాకొచ్చాయేమో
57.మళ్ళీ చేద్దాం పయనం
మురిపిస్తోందిగా ముద్దుగా బాల్యం
58.నిశ్శబ్దానికీ కన్నీళ్ళున్నాయి
ఒంటరినదికీ కడగండ్లున్నట్లు
59.పిచ్చి కళ్ళు
పరాయిబాధకు సైతం మండే వాకిళ్ళు
60.దూరంగా ఓ మౌనం
జ్ఞాపకాలకు తెర దించుతూ
61.తేలికయింది మది
ఊసులన్నీ నీ ముంగిట చల్లి
62.శిలగా మారు
ఉలికైనా పనొస్తుంది
63. గుండెకు గాయమైనా
కళ్ళే ఏడుస్తాయి అదేంటో మరి
64. పాపిట సింధూరం
చెలి సిగ్గుల్లో సైతం సింగారాలొలకబోస్తూ
65. చేజారిన చెలిమినడుగు
మాట తూలిన మనసెంత తు(స్వ)చ్ఛమో
