భార్గవుశిష్యుండు బహుళాస్త్రవేది క
ర్ణుఁడుఁ జేరె వెడలె శల్యుఁడతిబలుఁడు
భ్రాతృవర్గపరుండు రారాజుపోయె వ
రప్రభావుఁడు సింధురాజు తరలె
వైష్ణవాస్త్రోగ్రుండు భగదత్తుఁడు గతించె
భూరిశ్రవసుఁ డురుభుజుఁడు గడచె
నరిగిరింక నసంఖ్యాకు లరిదిమగలు
ధర్మదేవత కినుకతోఁ దలఁచుటెఱిఁగి
ధర్మజూదులు పెల్లుబ్బితనరుటెఱిఁగి
భూమిభువనంబువీడి, స్వర్భువనమునకు
36. రాజావారి ధేనువు
అనిమిషనాథు గోవరమునందు, వసిష్ఠమహామునీంద్రు నం
దినియెడ, బాణవైరి వనధి ప్రభునొందఁగఁజేయుబాణధే
ను నివహమందుఁగల్గిన యనూనమహామహిమంబులెల్ల నా
గన వసుధేంద్రు గోగణమునం దనువొంది శుభంబులీవుతన్
37. శ్రీరాజావారి బావమఱదిగారిని శ్రీ రాజావారిని కృష్ణార్జునులతోఁబోల్చుట
ఒకరిసోదరిని వేఱొకరికి భార్యగాఁ
గల్పించుకొని ప్రీతిఁ గాంచుకతన
సహచరవృత్తిమై సతతంబు నొకచోట
నొకమాట పట్టునం దుండుకతన
మేనమామ సుతుండు మేనయత్త కుమారుఁ
డనెడు బాంధవముండు నట్టికతన
