149
శ్వరుఁడొందం గవిరాజకీర్తి రమలన్ వర్దిల్లఁగాసల్పు తి
మ్మరుసున్, మంత్రికులావతంసు జగతీమాన్యున్ నుతింపందగున్
27. ఎట్టివారు మంత్రిపదవి కర్హులు
పతికిన్ భూప్రజకాప్తుఁడై, బహువిధోపాయంబులన్ శాత్రవ
ప్రతతిం గీడ్వడఁ జేసి రాణ్మణికి హర్షశ్రీలు సేకూర్చి ధీ
చతురుండై, పటుకార్యకౌశలుఁడునై సత్కీర్తులంబొల్చునే
మతిమంతుండతఁడే యమాత్యపదసంభావ్యుండగున్ భూవరా!
28. శ్రీ రాజావారి శమీ పూజా ప్రయాణము
హర్మ్యాగ్రతలములం దతిహర్షితాత్మలై
శుద్ధాంతకాంతలు చూచుచుండ
నిసుమువైచిన రాలనెడములేకుండఁగా
నర సమూహములు క్రిక్కిఱిసి నడువ
భూరికాహళశంఖభేరికాభాంకార
రవము తత్రత్యులఁ జెవుడువఱుప
నాగఘీంకృతి, బృహన్నాళికాడాంకృతి
చెలరేగి దిక్కుడ్యములఁ బగుల్పఁ
బాదఘట్టనముల రజఃపటలమెగసి
సురనదీస్వచ్ఛజలములబురదసేయ
లలితవనమున జమ్మిపూజలనొనర్ప
నాగవిభుఁడేగుదేఱఁ గానంగనయ్యె
29. కామినీకాముకుల చిత్రపటము
తరుణి! భవద్దృగంబకవితానము భ్రూలతికాశరాసనో
త్తరమున నెక్కు వెట్టి బెడిదంబుగ నేర్పఁదొడంగెఁద్వత్సుధా
