లట్టియార్వేలవారి వంశాంబురాశి
యందు సంపూర్ణ హిమధాము లనఁగఁ జెలఁగు
రమణసుబ్బాఖ్యులార! సత్ప్రఖ్యులార!
సదయమతిఁ గైకొనుండిదే స్వాగతంబు
శ్రీపీఠికాపురీ భూపాలవరునిచే
నెనలేనియట్టి మన్ననలఁ జెంది
మణికొండ నృపసభా మండపంబునయందు
రాజితలీల గౌరవముఁబొంది
నెల్లూరుపురిని సంపల్లీల నాశుక
వీంద్రసింహాభిఖ్య నెసకమంది
చెన్నపురీవరాశేష విద్యానాథ
వితతిచే మేటి సన్నుతులనొంది
షట్సహస్రనియోగి వంశప్రదీపు
లగుచు నాశాంతదంతురితాచ్ఛకీర్తి
సాంద్రులగు సోదరకవీంద్ర చంద్రులార!
సరసమతులార! మీకిదే స్వాగతంబు
కవిలోకపద్మసంభవుఁ దిక్కనామాత్యుఁ
గారామెలర్పఁగాఁ గన్న తల్లి
సహజపాండిత్య విశారదుఁ బోతనా
ఖ్యాకుని గారాలఁ గన్నతల్లి
యలికాక్షమును డాఁచి యవనిఁ జేరినసోముఁ
గవిలోకసోమునిఁ గన్న తల్లి
భువనపూర్ణ ప్రభాద్భుత తంత్రి మంత్రి భా
స్కర కవీశ్వరుఁగూర్మిఁ గన్నతల్లి
పుట:Kopparapu-soodara-kavula-kavitvamu.pdf/145
ఈ పుట అచ్చుదిద్దబడ్డది
104