ఈ పుట ఆమోదించబడ్డది
కవి యలౌకికత.
_________
ఓయి కవీశ, భావ రుచిరోజ్జ్వల దృశ్యములన్ సృజించి త
చ్ఛాయలు లౌకికంబులగు సత్యములంచు భ్రమించి, నమ్మి, నీ
ప్రాయము జీవితంబు నిటుపాడొనరించెద; వొక్కనాఁడు నిన్
బాయక మేలుకొల్పు విధి భగ్నమనోరథ తోదనంబునన్ .
భావన నీకుశత్రువు; విభావరి దాఁటక మున్నె, సూక్ష్మతా
రానళి కాంతిఁ గాంచి గగనాంచలమందు మనోజ్ఞ వర్ణ రే
ఖా వలితేంద్రచాపమును గల్పనసేతువు; గుడ్లగూబ ఘూ
ఘావనికూయ, నుల్కిపడి కాంతువు నిక్కపు టంధకారమున్.
కావ్యరచనలందుఁ గవివి కావచ్చును;
దివ్యలోకమందుఁ దిరుగ వచ్చుఁ;
గామ్య వస్తువులను గవిదృష్టిఁ జూడకు;
గట్టినేలఁ దడవి కాలు మెట్టు.
కంటి కందని యాదర్శకంబుఁ గోరి
యకట! దఃఖాంతనాటక మాడెదీవు!
వెనుక ఫలమేమి?___మానవద్వేషవహ్ని!
రక్తసిక్త హస్తముల నిష్క్రాంతి నీకు!
21-2-1928.
___________