ఈ పుట ఆమోదించబడ్డది
* బాష్ప దౌత్యము.
__________
జీవనగంగా హరిత తటంబునఁ
జింతా వటతరు మూలమునన్,
ఏల యధోముఖవై గడతెంచెద
వివ్విధి యౌనన నిశలన్?
ఆవలిగట్టున స్వప్న పురంబున
నవ్యయ నిర్వృతి వనులన్
డోలాఖేలన రతుఁడౌ ప్రియునిఁ గ
డుంగడు భావన సల్పెదవో?
నీ వయసెల్ల హృదీశుని చింతన
నిర్మల ధూపము పగిదిన్
గాలెడి నబలా, రేయుం బవళులు
గందముఁ జిమ్ముచు నల్గడలన్.
ధావమాన శరదంబున శకలపు
దౌత్యము నమ్మిటు వేచెదవే?
చాలు నిరీక్షణ! చాలిఁకఁ జింతన!
చాలు రహస్య వియోగహతుల్ !