ఈ పుట ఆమోదించబడ్డది
88
కవికోకిల గ్రంథావళి
[నైవే
రాధ
ఔగాని, శ్రీకృష్ణ, యా మాయవలపు
బయలయ్యె, నింతగా వర్ణింపనేల?
వలిపపు వలెవాటుపైఁ బసపుగుర్తు
అతికినట్టుల నేల యయ్యెనో చెపుమ?
కృష్ణుఁడు
మోదుగాకులుగోయ ముదిమోక లెక్కఁ
బువ్వుల రసమంటి పుట్ట మిట్లాయె.
రాధ
తాఁకినఁ గందెడు తనువుపై నేల
గోటిగిచ్చులు పడ్డ గుర్తు లగుపట్టు?
కృష్ణుఁడు
ఇందుకే శంకించితే! పువ్వుఁబోఁడి,
కోరిందపొదలోనఁ గోడెదూ డేఁగ
వెన్నంటి పోయెడివేళఁ గంటకము
లంటి గీతలుపడె, ననుమానమేల?
రాధ
చివురుటాకులువోని చెక్కిళ్ళసొబగు క
లఁగిన రుచి దోఁచు కారణంబేమి?