స్త. 4.
ఇంద్రాణీ సప్తశతీ
263
19. ఇంద్రాణియొక్క కళను బొంది (ఉగ్రకళ, శాంతకళ యని శక్తి రెండు విధములుగా నుండును. ఈ శ్లోకమం దుగ్ర కళను స్తుతించి, తరువాత శాంత కళను కవి పేర్కొనును.) యుగ్రమైనది, దుష్ట జనులను నాశన మొనర్చు పటుత్వము గల గోళ్లకొనలు గలది, అతి బలమైనది, కృత్తశిరస్సు గలదియైన ప్రచండచండి నా హృదయమందుగల విషతుల్య పాపములను సంహరించుగాక.
20. ఇంద్రాణికళతో గూడినది, పండితులచే పొగడబడు సద్గుణములు గలది యగు ద్రౌపది నా కంతటను వైభవముతో గూడిన మంగళములను సమకూర్చుగాక.
21. ఓ మనుజకుమార జనిని ! పాపవశమువలన నంతటను నిస్తేజుడనై దాసుడనగు నన్ను రక్షింపుము.
22. ఇంద్రుని మందిరమునకు నాయకురాలై, మన్మధుని బోషించు సుందర శరీరముగల శచీదేవి యొక్క కీర్తి గానముచే వ్యాపించిన గణపతి వాక్కునందామె ప్రతిఫలించుగావుత.
23. నా హృదయమను పద్మము వికసించుగాక (ఈ స్తుతిగీతము వలన), అందు శచీదేవి సంబంధమైన యీ గీతమామెకు విలాసము నిచ్చుగాక, సర్వేష్టార్ధములు నిహమందు (తత్ఫలముగా) వ్యక్తమగుటకు స్ఫురించుగాక, (ఆ యిష్టార్ధప్రాప్తిచే) నా సామర్ధ్య మధికమగుగాక.
