10
ఇంద్రాణీ సప్తశతీ
శ. 1.
25. శశివదనాభి ర్గణపతిజాభిః |
శశివదనాద్యా పరిచరితా౽స్తు ||
2. తనుమధ్యా స్తబకము
1. ధ్వాంతం పరిహర్తుం తేజాంస్యపి భర్తుం |
అంతర్మమ భూయా త్స్మేరేంద్ర పురంధ్రీ ||
2. భీతా మరిధూతా మార్యావని మేతాం |
సమ్రాజ్ఞి బుధానాం దూనా మవ దీనాం ||
3. ఇంద్రస్యసహాయాం విశ్వస్య విధానే |
ఆకాశ శరీరా మంబాం ప్రణమామః ||
4. కర్తుర్భువనానాం మాయాసి శచి త్వం |
సత్యస్య తపో౽సి జ్ఞస్యాసి మనీషా ||
5. ఆజ్ఞా౽సి వినేతు స్తేజో౽సి విభాతః |
నిర్యత్న సమాధే రానంద రసో౽సి ||
6. తస్య త్వమనన్యా౽ ప్యన్యేవ ఖకాయా |
అత్యద్భుతమాయా జాయా౽సి సహాయా ||
7. ఆకాశ శరీరాం జాయామశరీరః |
ఆలింగ్య విభుస్త్వాం నందత్యయి చిత్రం ||