ఈ పుట అచ్చుదిద్దబడ్డది
162
ఇంద్రాణీ సప్తశతీ
శ. 5.
19. లోచనే తవలోక సవిత్రి
జ్యోతిషశ్చ శవసశ్చ నిధానే |
వక్తు మబ్జసమే నను లజ్జే
ధోరణీ మనుసృత్య కవీనాం ||
20. ఆయతోజ్జ్వల పక్ష్మలనేత్రా
చంపక ప్రసవోపమ నాసా |
రత్న దర్పణ రమ్య కపోలా
శ్రీలిపి ద్యుతి సుందరకర్ణా ||
21. అష్టమీ శశి భాసుర ఫాలా
విష్టపత్రయ చాలక లీలా |
స్మేర చారుముఖీ సురభర్తుః
ప్రేయసీ విదధాతు శివంమే ||
22. మందహాసలవేషు నలక్షా
మేచకా చికుర ప్రకరేషు |
శోణతా మధరే దధతీ సా
రక్షతు ప్రకృతి స్త్రిగుణా నః ||
23. సర్వలోక వధూజనమధ్యే
యాం శ్రుతి స్సుభగామభిధత్తే |
యాదివో జగతో రుచిసార
స్తాం నమామి పురందరరామామ్ ||
24. స్వర్గభూపతి లోచనభాగ్య
శ్రీశ్శరీరవతీ జలజాక్షీ |
భారతస్య కరోతు సమర్థం
రక్షణే నరసింహ తనూజమ్ ||