ఈ పుట అచ్చుదిద్దబడ్డది
152
ఇంద్రాణీ సప్తశతీ
శ. 5.
18. అఖిలనాథ వీర్యధారణా
ద్గగనభూమిరంగనామతా |
సకలలోక బీజ భృత్త్వతో
గగనదేశ ఏష పూరుషః ||
19. స్ఫుట విభక్తగాత్రలక్ష్మణాం
నియతవాదినా మదర్శనాత్ |
న పురుషో వియద్యథా వయం
న వనితా వియద్యథైవ నః ||
20. అభివిమానతో౽థవా శచీ
విబుథరాజయో ర్విలక్షణాత్ |
వరవిలాసినీ వియత్తను
స్సదవికార ముత్తమః పుమాన్ ||
21. హృదయమల్పమ ప్యదో జస
న్యనవమం విశాల పుష్కరాత్ |
విమలదేహ దుర్గమధ్యగం
సకలరాజ్ఞి సౌధమస్తు తే ||
22. వికసితం నిజాంశు వీచిభి
ర్హృదయ మాలయం విశాంబ మే |
వికచ ముష్ణభానుభానుభి
ర్దశశత చ్ఛదం యథా రమా ||