ఈ పుట అచ్చుదిద్దబడ్డది
144
ఇంద్రాణీ సప్తశతీ
శ. 5.
24. భారతక్షి తే రిదం జనన్యా
శ్శోకజన్య బాష్పవారిహర్తుం |
దేహి శక్తి మాశ్రితాయ మహ్యం
పాహి ధర్మ మింద్రచిత్తనాథే ||
25. సద్వసిష్ఠ సంతతే రిమాభి
స్సత్కవే ర్మయూరసారిణీభిః |
సమ్మదం ప్రయాతు శక్రచేత
స్సంప్రమోహినీ సరోజనేత్రా ||
_______
2. మనోరమాస్తబకము
1. హసిత మాతతాయి పాతక
ప్రమథన ప్రసిద్ధ విక్రమం |
అమరభూమి పాల యోషితో
మమ కరోతు భూరిమంగళం ||
2. కరుణయా ప్రచోదితా క్రియా
ర్భరతభూమి మక్షయశ్రియం |
చరణ కంజరాజ దిందిరా
సురనరేశ్వరస్య సుందరీ ||
3. న భవనం నవా జగత్పృథ
జ్నివసనాయితే సురార్చి తే |
యదఖిలాని విష్టపాని తే
వపుషి సర్వమందిరాణిచ ||