ఈ పుట అచ్చుదిద్దబడ్డది
124
ఇంద్రాణీ సప్తశతీ
శ. 4.
4. మాత్రాసమకస్తబకము
1. శుక్లజ్యోతిః ప్రకరై ర్వ్యాప్త
స్సూక్ష్మోప్యంతాన్ హరితాం హాసః |
జిష్ణోః పత్న్యా స్తిమిరారాతి
ర్ని శ్శేషం మే హరతా న్మోహం ||
2. శృణ్వత్కర్ణా సదయాలోకా
లోకేంద్రస్య ప్రియనారీ సా |
నిత్యాక్రోశై ర్విరుదద్వాణీం
పాయాదేతాం భరతక్షోణీం ||
3. దేవేషు స్వః పరిదీప్యంతీ
భూతేష్విందౌ పరిఖేలంతీ |
శక్తిర్జిష్ణో ర్ద్విపదాం సంఘే
హంతై తస్యాం భువి నిద్రాతి ||
4. నిద్రాణాయా అపి తేజ్యోతి
ర్గంధాదేతే ధరణీలోకే |
మర్త్యాః కించిత్ప్రభవంతీశే
త్వం బుద్ధాచే త్కిము వక్త్యవ్యం ||
5. మేఘ చ్ఛన్నో౽ప్యరుణస్తేజో
దద్యాదేవ ప్రమదే జిష్ణోః |
అత్ర స్థానా భవతీ గ్రంధి
చ్ఛన్నా ప్యేవం కురుతే ప్రజ్ఞాం ||