120
ఇంద్రాణీ సప్తశతీ
శ. 4.
11. నిర్జితశోకా ధూత తమా సంస్కృత చిత్తా శుద్ధ తమా |
వాసవశక్తే ర్వ్యోమజుషః కాచన వీచిర్మాం విశతు ||
12. ఉద్గత కీలం మూలమిదం భిన్నకపాలం శీర్షమిదం |
ఉజ్ఘి తమోహం చిత్తమిదం వాసవ శక్తిర్మాం విశతు ||
13. దృశ్య విరక్తం చక్షురిదం భోగవిరక్తం కాయమిదం |
ధ్యేయ విరక్తా బుద్ధిరియం వాసవశక్తి ర్మాం విశతు ||
14. చక్షు రదృశ్య జ్వాలభృతా వ్యాపక ఖేన ప్రోల్లసతా |
విస్తృతకాయం సందధతీ వాసవశక్తి ర్మాం విశతు ||
15. కాయ మజస్రం వజ్రదృఢం బుద్ధి మశేషం వ్యాప్తిమతీ |
దివ్యతరంగై రా దధతీ వాసవశక్తి ర్మాం విశతు ||
16. మూర్థ్ని పతంతీ వ్యోమతలా త్సంతతమంత స్సర్వతనౌ |
సంప్రవహంతీ దివ్యఝరై ర్వాసవశక్తిర్మాం విశతు ||
17. భానువిభాయాం భాసకతా దివ్యసుధాయాం మోదకతా ||
కాపి సురాయాం మాదకతా వాసవశక్తి ర్మాం విశతు ||
18. భాసయతాన్మే సమ్యగృతం మోదముదారం పుష్యతు మే |
సాధుమదం మే వర్ధయతా న్నిర్జర భర్తుశ్శక్తిరజా ||