90
ఇంద్రాణీ సప్తశతీ
శ. 3.
22. కర్మణి కర్మణి చేష్టా మంబ తవైవ విభూతిం |
యశ్శిత బుద్ధి రుపాస్తే తత్పద మేష ఉపాస్తే ||
23. వస్తుని వస్తుని సత్తాం యోభవతీం సముపాస్తే |
మాత రముష్య వహేయం పాదయుగం శిరసా౽హం ||
24. పాతు మిమం నిజదేశం సర్వ దిశాసు సపాశం |
అంబ విధాయ సమర్థం మాం కురు దేవి కృతార్థం ||
25. చిత్ర పదాభిరిమాభి శ్చిత్ర విచిత్రా చరిత్రా |
సమ్మద మేతు మఘో నః ప్రాణ సఖీ మృగనేత్రా ||
_________
4. నారాచికాస్తబకము
1. అంతర్విధున్వతా తమః ప్రాణస్య తన్వతా బలం |
మందస్మి తేన దేవతారాజ్ఞీ తనోతు మే శివం ||
2. ఉత్థాప్య పుణ్య సంచయం సంమర్ద్య పాప సంహతిం |
సా భారతస్య సంపదే భూయా ద్బలారి భామినీ ||
3. లీలాసఖీ బిడౌజస స్స్వర్వాటికా సుఖేలనే |
పీయూష భానుజిన్ముఖీ దేవీ శచీ విరాజతే ||
4. పక్షః పరో మరుత్వతో రక్షః ప్రవీర మర్దనే |
భామాలి భాసురాననా దేవీ శచీ విరాజతే ||