బుచ్చమ్మ: అయితే మనము వెల్లిపోతే ఆపైన గతేమిటి?
గిరీశ : వీరయ్య పంతులుగారు మహాయోగ్యులు, ఆయన్ను చేరుకుంటే మనకి లోపం వుండదు. యీ సొసైటీ తాలూకు లక్షలకొలదీ డబ్బువున్నది, డబ్బు విషయమై నీకు వీచారంవద్దు. | నేను పరిక్ష ప్యాసుఅయినాను కదా?
బుచ్చమ్మ: అయితే మనం యేలాగు వెళ్లడం?
గిరీశ : యెల్లుండి రాత్రి జగన్నాధపురంలో మజిలీచేస్తాము. ఆరాత్రి ప్రయాణంలో నీ బండితోవ . తప్పించి శొంఠాం మార్గంగా పెట్టించివేస్తాను.
బుచ్చమ్మ: నా బండిలో మా తమ్ముడుకూడా కూర్చుంటాడే?
గిరీశ : వాడిని యేనుగుమీద యెక్కిస్తాను?
బుచ్చమ్మ: కానియ్యండి - అలాగేను వెళ్లండి! నా మనస్సేమీ మనస్సు లాగుంది కాదు (అని కన్నీళ్లు విడుచును.)
గిరీశ : నేను చెప్పినట్టు చేస్తానని చేతులో చెయ్యివేస్తేనే కానీ వెళ్లను.
బుచ్చమ్మ: (కొంత సేపాలోచించీ) సరే.
(ఇద్దరు నిష్క్రమించుచున్నారు.)
***
నాల్గవస్థలము - జగన్నాధపురం సత్రం
(గిరీశం, వెంకటేశం ప్రవేశించుచున్నారు)
వెంకటే: రాత్రి మీరూ నేనూ కూడా వొక బండిలోనే కూర్చుందాము.
గిరీశ : డామ్బండీ - నేను హోర్సుమీద కూర్చుంటా.
వెంకటే: అయితే నాకూ బండీవద్దు హార్సు యెక్కలేనే మరి సాధనం యేమిటి ?
గిరీశ : అయితే నీకు యెలిఫెంటు. మావటివాండ్రతో బందోబస్తు చేస్తాను మీవాళ్లతో యీ . ప్రయత్నం చెప్పుకుమా.
గురుజాడలు
183
కన్యాశుల్కము - తొలికూర్పు