ఈ పుట ఆమోదించబడ్డది
(2) శ్లో॥ 27 :జాతస్య హి ధ్రువోమృత్యుః
ధ్రువం జన్మ మృతస్యచ ।
తస్మాదపరిహార్యేర్ధే
న త్వం శోచితుమర్హసి ॥ (జీవాత్మ)
(2) శ్లో॥ 28 :అవ్యక్తాదీని భూతాని
వ్యక్తమధ్యాని భారత ।
అవ్యక్త నిధనాన్యేవ
తత్ర కా పరిదేవనా ॥ (జీవాత్మ)
(2) శ్లో॥ 29 :ఆశ్చర్యవత్పశ్యతి కశ్చిదేనమ్‌
ఆశ్చర్యవద్వదతి తథైవ చాన్యః ।
ఆశ్చర్యవచ్చైనమన్యః శృణోతి
శ్రుత్వాప్యేనం వేద న చైవ కశ్చిత్‌ ॥ (జీవాత్మ)
(2) శ్లో॥ 30 :దేహీ నిత్యమవధ్యోయం
దేహే సర్వస్య భారత ! ।
తస్మాత్‌ సర్వాణి భూతాని
న త్వం శోచితుమర్హసి ॥ (జీవాత్మ)
(2) శ్లో॥ 38 :సుఖదుఃఖే సమే కృత్వా
లాభాలాభౌ జయాజయౌ ।
తతో యుద్ధాయ యుజ్యస్వ
నైవం పాపమవాప్స్యసి ॥ (కర్మయోగము)
(2) శ్లో॥ 39 :ఏషాతేభిహితా సాంఖ్యే
బుద్ధిర్యోగే త్విమాం శృణు ।
బుద్ధ్యాయుక్తో యయా పార్థ!
కర్మబంధం ప్రహాస్యసి ॥ (కర్మయోగము)
