85. తిరుక్కళ్వనూర్ (కాంచీ) 12
శ్లో. నిత్యపుష్కరిణీ యుక్తే కళ్వనూర్ నగరే స్థిత:
విమానే వామనే త్వాదివరాహాంజలి వల్లికామ్‌
ప్రాప్త: పశ్చిమ దిగ్వక్త్ర:కలిజన్ముని కీర్థిత:
అశ్వత్ధోస పదఖ్యాత నారాయణ మునీక్షిత:||
వివ: ఆదివరాహ పెరుమాళ్-అ-లైవల్లి త్తాయార్-నిత్యపుష్కరిణి-వామన విమానము-పశ్చిమ ముఖము-నిలచున్నసేవ-అశ్వత్థ నారాయణునకు ప్రత్యక్షము-తిరుమంగై ఆళ్వార్ కీర్తించినది.
విశే: ఈ సన్నిధి కంచి కామాక్షి అమ్మన్ కోవెలలో ఉన్నధి. తాయార్; తీర్థం లేవు. "కళ్వా" అను సంబోదన తప్ప వేరు పాశురము లేదు.
పా. నీరగత్తాయ్ నెడువరైయి నుచ్చి మేలాయ్
నిలాత్తిజ్గళ్ తుణ్డత్తాయ్ నిఱైన్దకచ్చి
ఊరగత్తాయ్, ఓణ్ తుఱైనీర్ వెஃకావుళ్ళాయ్
ఉళ్ళువారుళ్ళత్తాయ్; ఉలగ మేత్తుమ్‌
కారగత్తాయ్ కార్‌వానత్తుళ్ళాయ్ కళ్వా
కామరుపూజ్కావిరియన్ తెన్బాల్ మన్ను
పేరగత్తాయ్, పేరాదెన్నె-- నుళ్ళాయ్
పెరుమానున్ తిరువడియే పేణినేనే.
తిరుమంగై ఆళ్వార్లు-తిరునెడున్దాణ్డగమ్‌ 8
మంచిమాట
జ్ఞానము నిచ్చువాడు ఆచార్యుడు.
ఆ జ్ఞానమును వృద్ధిపొందించువారు శ్రీవైష్ణువులు.
ఆ జ్ఞానమునకు విషయభూతుడు సర్వేశ్వరుడు.
జ్ఞానమునకు ఫలము భగవత్కైంకర్యము.
దానికి భోగ్యత భాగవత కైంకర్యము.
104
