అపూర్వబ్రహ్మచర్య ప్రహసనము 9
రామా -- అవును యెఱ్ఱనిచిన్నదే. ఇంకాయేదయినా ఆనవాలుచెప్పు.
కర -- అట్టేపొట్టికాకుండా పొడుగుకాకుండా వుంటుంది.
రామా -- అవును అలాగేవుంటుంది. మరివకగురుతు చెప్పు.
కర -- తలవెంట్రుకలు నల్లగావుంటవి కొప్పు పెడుతుంది.
రామా -- అందరూ కొప్పుపెడుతారు. అందరి తలవెంట్రుకలూనల్లగానేవుంటవి. ఇదేంఆనవాలు?
కర -- ఆలాగైతే యెవరికీలేని మంచి ఆనవాలు యింకొకటి చెపుతానువినండి. ఆచిన్నది కుంకుమబొట్టు పెడుతుందికాదూ? కళ్ళకి కాటుక పెడుతుంది.
రామా -- ఈరెండు పనులూ అందరూచేస్తారు.
కర -- అందరూ యెందుకు చేస్తారు? మాఆన్నగారి పెళ్ళాం చెయ్యదు. ఆవిడ యెప్పుడూ బొట్టుపెట్టుకోదు. కాటుక పెట్టుకోదు. కొప్పు పెట్టుకోదు. గాజులుపెట్టుకోదు.
రామా -- మీఅన్నపెళ్ళాం వెధవచిన్నది కాబోలును.
కర -- అవును. వెధవచిన్నదే కాబోలును. మీరన్నది యే అన్నపెళ్ళామూ? ఇప్పుడు మీమేనమామగారియింట్లో పనిలోవున్న అన్నగారిపెళ్ళాముకాదూ? ఆవిడవెధవే. ఆవిడను మొగుడు కోపమువచ్చినప్పుడు యెప్పుడూ వెధవా వెధవా అంటూవుంటాడు. నిరుడుమరిడీజాడ్యాలలో చచ్చిన అన్నగారిపెళ్ళాం వక్కత్తేమాత్రం విధవకాదు.
రామా -- మీఅన్నగారు బ్రతికివుండగా పెళ్ళాం వెధవ యెలాగయిందోయి?
కర -- నన్నువూరికే ప్రశ్నలువేసి భ్రమపెట్టకండి. మీరు యాభయిప్రశ్నలు వేసినా నేను అబద్ధంఆడను. మహా రాజులాగు