ఈ పుట ఆమోదించబడ్డది
20
ఆంధ్రభాషాభూషణము
తే. చేయి వాయి నేయి యనుచుఁ జెప్పుచోటఁ
బ్రీతిఁ జేతులు వాతులు నేతు లయ్యె
రాయి రేయి వేయి యనుచో రాలు రేలు
వేలు నా నొప్పు బహువచోవేళయందు. 77
క. రులుడుదు లంత్యము లైనన్
లుల నడఁచి తదంత్యములకు ళుఱ్ఱగు బహుతం
బలుగొళ్లని కొనవేళ్లని
కలగూళ్లున్ లేళ్లు నాఁగఁ గ్రమమై యునికిన్. 78
క. పదము తుది యిత్వ ముత్వము
పదిలంబుగ బహువచనముపై నొందినచో
నది దెలియుఁడు మణులు ఘృణులు
సుదతులు సన్మతులు సఖులు సుకవు లనంగన్. 79
తే. పరఁగుఁ చెక్కిట నొకటె తెమ్మెరలు నీళ్లు
పఱలు కొలుచులపేళ్లెల్ల బహువచనము
గోదుమలు వడ్లు జొన్నలు కొఱ్ఱ లాళ్లు
చోళ్లు ననుములు పెస లనఁ జెల్లుఁ గాన. 80
క. చెలియ లన నా లన మఱం
దలు కోడలు నాఁగ జనుపదంబులతుదలన్
లులకుం డ్రలగుం బెక్కిటఁ
జెలియం డ్రన నాం డ్రనంగఁ జెల్లుటవలనన్. 81