సుక్క నీరు లేక నేల నెర్రెబట్టి పోయింది
జలవనరులు కబ్జాజేసి జల్సాగ దిరుగుతుండ్రు ॥జలజల॥
సెంటు భూమి మిగలకుంట అంటుగీకి తిన్నట్టు
కంటబడితె గంటెడైన కబ్జా జేసుకుంటుండ్రు
ఎటు జూసిన ఏమి లేక సెర్లమీద వాలిండ్రు
పొంగి పొర్లె కుంటల్ని కూడబోసి కూసుండ్రు
స్వార్థంతో నిండి మనిషి సాటి వాన్ని మరిసిండు ॥జలజల॥
సహజనీటి వనరులన్ని శెర్వాకం జేసిండ్రు
సాయమేదొ జేసినట్టు సంకలు ఎగరేస్తుండ్రు
ఉప్పొంగి పారేటి ఉష్కాగులు మింగిండ్రు
ఎక్కిళ్ళు బెట్టి ఏడ్చే ఎతలల్ల ముంచిండ్రు
ఊట శెలిమలెండబెట్టి ఊరేగే నాయకులు ॥జలజల॥
కంపెనీల కాలుష్యం భూగర్భంలోన బెంచి
ఫ్లోరైడ్ భూతానికి ఊతమిచ్చి ఊగెనని
తాగు సాగు నీరు లేక తండ్లాడేటోల్ల జూసి
మన రాష్ట్రం తెలంగాణ మిషన్ కాకతీయన్నది
చెరువు కుంటలన్ని గూడ జలకళతో ఉండాలని
ప్రాజెక్టులె ఈ నేలకు ప్రాణమంటు కదిలెరా
ప్రతినబూని పల్లెపల్లె ప్రభుత్వంతో నడిసెరా
371
అంబటి వెంకన్న పాటలు