సాపల గంపెత్తుకొని బస్సెక్కుదామంటే
కౌస నీసు కంపంటూ కసిరిచ్చి దింపుతరు
నిలువజేసే సోటు లేక అమ్ముకునే వసతిలేక
ఆగమ్మ పచ్చులమై రోడ్డుమీద బతుకుడాయే ॥సాపలు॥
పాలకొరకు ప్రభుత్వాలు డైరీలను పెంపుజేసే
రేడియోలు టీవీలల్ల గుడ్లుదినమనీ చెప్పే
గుడ్లు పాలను మించిన పౌష్టికాహారీ సాప
సర్కారునుంచి మాకు సాయమేమో కరువాయే ॥సాపలు॥
నీటిలోన ఆక్సీజన్ సమముజేసే మనసాప
సాపరెట్టతోనే నీల్లు ఫిల్టరైయ్యి తేటగుండు
ఫిల్టర్లో క్యాండిల్లకు ఫార్ములా ఏదో కాదు
సాపరెట్టలో ఉన్న రసాయనా ములకాలే ॥సాపలు॥
జపాను జర్మనీ చైనా దేశాలలోను
బెంగాలు కేరళ ముంబయి రాష్ట్రంలోను
తీసుకునేతిండిలోన సగము సాపలేనంట
ఫాస్టుఫుడ్లలో సైతం సాపలే ఎక్కువట ॥సాపలు॥
పొద్దుకు మూడుసార్లు సాపల కూరేసుకున్న
విసుగన్నది రాక మనకు పూటపూట రుచిపెరుగు
పచ్చి సాపలు దింటే గుండె బలము పెరుగురా
వొట్టి సాపలుండంగ వయాగ్ర ఎందుకురా ॥సాపలు॥
అంబటి వెంకన్న పాటలు
358