బియ్యం పప్పు ఉప్పు ఉల్లిగడ్డ సింతపండు
మనకున్నా లేకున్నా మందికి ఎగుమతి మెండు
అందరికీ సాయమిచ్చే అన్నపూర్ణ మనదన్నరు
గొప్పలకుబోయి మనం సిప్ప బట్టుడెందుకంట ॥నోటి॥
పప్పు రేటు పెరిగిందా తినకుంటే ఏందన్నవ్
పనికిరాని ఓటర్లు పడిఉంటే మేలన్నవ్
దొడ్డు బియ్యమూ స్టాకు బొచ్చెడంత ఉందన్నవ్
సన్నాబియ్యం మాకు అవసరమేముందన్నవ్ ॥నోటి॥
గబ్బూడని సబ్బులెన్నో అదుపులేని అమ్మకాలు
డిటర్జెంట్స్ కాస్మొటిక్స్ ఎవరడుగును మోసాలు
సైజులు తగ్గించి వాల్లు రేట్లను పెంచేస్తుంటరు
ఒక్కపూట న్యాయానికి వందలేండ్లు దిరుగాలె
నియంత్రించినోల్లు లేరు నిమ్మకు నీరే మీరు ॥నోటి॥
పసిపిల్లల పుస్తకాలనెప్పుడన్న జూసిండ్రా
పదిపేజీలుంటే సాలు రేటు నూటముప్పయంట
ఎల్కేజి సదువు కొరకు పీజి ఖర్సు మించెనంట
సదువుకొనాలేనోల్లను ఎన్నడన్న ఆదుకుండ్రా ॥నోటి॥
ఎన్ననినే జెప్పుకుందు ఏ నెంబరుకని జేద్దు
అడుగడుగునా దగాకోర్లు అధికారుల అవినీతే
పరిపాలన సక్కగుంటె పకడ్భందిగమలైతే
ఏండ్లకొద్దిగా మేము ఎనుకబడే ఎట్లుంటం ॥నోటి॥
అంబటి వెంకన్న పాటలు
302