లోకానికి వెలుగులు
ప॥ లోకానికి వెలుగులు నింపి
చీకటిలోకం బయలెల్లినవా
లైన్మేనూ ఫ్లోర్మేనూ ఏదైనా ఏముందయ్యా
ప్రతి ఘడియ గండం నీకయ్యో... నా సక్కని దేవా
సతి బాధలు జూసేదెవరయ్యో...
చ॥ ఉరికురికీ స్థంబాలెక్కి
ఊరందరికీ వెలుగుల నిచ్చీ
తెల్లారకముందే నువ్వు గమ్యాన్ని చేరితివయ్యా
నా పయనం నడుమనే ఆగిందో.. నా సక్కని దేవా
నడిసంద్రపు నావై పోయిందో...
మే. చ॥ సుడిగాలిలో దీపం నువ్వు
జడివానల్లో మెరుపే నువ్వు
నడిరాతిరి వేళల్లో నడిసేటి మినుగురు నువ్వు
ఎందరికో వెలుగే నువ్వయ్యో... ఓ లైన్మేనన్నా
సతి బతుకును చీకటి జేసినవో...
చ॥ ఎక్కడ ఏమూలకు ఎవరూ
కరెంటు షాకుతొ పడిపోయిననూ
నేనున్నా మీకంటూ ఎదురేగి పోయేవయ్యా
నిను జూసే దిక్కే లేదయ్యో... నా సక్కని దేవా
నిలువెల్లా కరెంటు కమ్మినదో...
అంబటి వెంకన్న పాటలు
260