ఈ పుట అచ్చుదిద్దబడ్డది
నెత్తుటి గాయాలతోని కదిలే ఓ కెరటమా
ఏమున్నది బతుకంతా పోరాటమె మార్గమా
ఉద్యమాల రూపమ నా ఊపిరై ఉండుమా ॥ప్రజా॥
పదిజిల్లల సెలకలల్ల గోగుమల్లెలైదమా
పదిలమని పాటబాడె బతుకమ్మలమైదమా
జానపదరూపమ నా అడవితల్లి అందమా ॥ప్రజా॥
వీరుల త్యాగాల వీణ విప్లవాల రాగమా
విద్యార్థి మేథావుల ఆశయాల సారమా
నమ్ముకున్న నీ ప్రజలను నడిపించే గీతమా ॥ప్రజా॥
ఏకాశి కానెకాదు ఏరే ముందంటిమా
ఎగిసే కెరటాల తీరు వడివడి అడుగేస్తిమా
ఏరువాక పున్నమ నా బతుకమ్మ రూపమా
ఏకమయ్యి తెలంగాణ రాష్ట్రం సాధిస్తిమా
215
అంబటి వెంకన్న పాటలు