ఈ పుట అచ్చుదిద్దబడ్డది
తెలంగాణ కోసం
ఈ నేల తెలంగాణ కోసమూ
పోరుజేయ బోదమురారా తమ్ముడా
ఏరుబోయమందం రారా తమ్ముడా ॥ఈనేల॥
బాటెంట బోతోల్లు గుర్తుదెల్వకున్నను
ఆకిట్లకొచ్చిరో దూపైనదంటెరా
సల్లబోసి నీడనిచ్చిన పల్లెరా...
బతుకలేక గోసదీసెనేందనీ
సింత జేసుడెందుకురా తమ్ముడా
సిన్నబోవుడెందుకురా తమ్ముడా ॥ఈ నేల॥
ఏ పార్టి జెండాలు భుజాన మోసినా
ముప్పొద్దులా బతుకు ఉపాసమయ్యెనా
పొద్దుబోని మాటల పార్టీలలో..
సిద్దాంత రాద్దాంతం ఏందని
ఉద్యమాల జెండా బట్టు తమ్ముడా
ఉప్పెనోలె ఉరికీరారా తమ్ముడా..
కే. సి. ఆరు అడుగుల్లో తమ్ముడా
పొలి కేకలేద్దం లేర తమ్ముడా ॥ఈ నేల॥
(నల్లగొండలో 'తెలంగాణ పొలికేక సభ' సందర్భంగ)
143
అంబటి వెంకన్న పాటలు