ఈ పుట అచ్చుదిద్దబడ్డది
ఉప్పునీళ్ళు మట్టి గప్పినయో
బోయులో మా బెస్తలు
పెద్ద పిట్టల గుంపు వాలిందో
బోయులో మా బెస్తలు
మన కౌసు బతుకులనెవడు జూస్తాడో
బోయులో మా బెస్తలు
ఎవడు మనల జేరనియ్యడురో
బోయులో మా బెస్తలు
మనకు బతుకు పోరుదప్పదాయెనురో
బోయులో మా బెస్తలు
ఎన్ని లారిల సాయమందుతదో
బోయులో మా బెస్తలు
ఎట్ట మనము బతికి సావాల్నో
బోయులో మా బెస్తలు
పాడె కర్సులు గూడ లేవాయె
బోయులో మా బెస్తలు
ఆలి తాలి బొట్టును దీస్కపోతిరిరో
బోయులో మా బెస్తలు
దాని పసుపు కుంకుమ గాలి పాలాయె
బోయులో మా బెస్తలు
గాజు మెట్టెలు గంగపాలాయె
బోయులో మా బెస్తలు
అలలు అలిసి వొడ్డుజేరినయో
బోయులో మా బెస్తలు
కలల అద్దం పగిలిపోయిందో
అంబటి వెంకన్న పాటలు
116