తా. వ్రేళ్ళను విరళముగఁ ద్రిప్పినయెడ అలపల్లవహస్త మవును. ఈయలపల్లవహస్తము పూర్వము పాలు వెన్నలు దొంగిలించిన కృష్ణునివలనఁ బుట్టెను. ఇది గంధర్వజాతి. దీనికి వసంతుఁడు ఋషి. శ్యామమువర్ణము. సూర్యుఁడు అధిదేవత.
వినియోగము:—
| | హైయంగవీనే విరహే మౌళౌమోదకభావనే. | 360 |
| | ఫుల్లపద్మేచ మంజర్యాం కిరీటే వర్తులే౽పిచ, | 361 |
| | ధమ్మిల్లే చంద్రశాలాయాం మాధుర్యే సాధువాదనే, | 362 |
తా. అప్పుడు కాఁచిన నెయ్యి, విరహము, తల, కుడుమును జూపుట, వికసించిన తామరపువ్వు, పూగుత్తి, కిరీటము, వర్తులము, శ్లాఘించుట, ఆకృతి, చక్కదనము, నర్తనము, కోట, మేడ, కొప్పు, మేడమీఁదియిల్లు, మాధుర్యము, బాగు బాగు అనుట, తాటిపండు వీనియందు ఈహస్తము వినియోగించును.
21. చతురహస్తలక్షణమ్
తర్జన్యాద్యాస్త్ర యశ్శ్లిష్టాః | 363 |
తా. తర్జని మొదలైన మూఁడువ్రేళ్ళను జేర్చి చిటికెనవేలును చాఁచి అంగుష్ఠమును అనామికమూలమం దడ్డముగ నుంచిపట్టిన చతురహస్త మగును.
