156
ఉమర్ ఖయ్యామ్
614
చెఱ విడిపించి, నీ తెరువు చెప్పి, త్వదీయపరత్వమైన సు
స్థిరతను గూర్చి బంధములు త్రెంచి స్వతంత్రత నిచ్చి పోవుమో
హరి ! నను బాపపుణ్యముల నంటని మైకములోన ముంచు మీ
యెఱుకసు వచ్చుకర్మముల కే నిఁక బాధ్యుఁడఁ గానికైవడిన్.
615
క్షమ యను నశ్వ మెక్కిన దిగంబరిఁ జూచితి ; వానికిన్ నిషే
ధములును, శౌచశీలములు, ధర్మ, మధర్మము, నస్తి, నాస్తిక
క్రమములు లేవు ; లే విహపరంబు లహో 1 యిటువంటి ధీర సం
యమి గలఁడే జగత్త్రయమునందు యథార్థము చెప్పవచ్చినన్.
616
మేమందఱము సదా ప్రేమ నర్చింతుము
మధ్వాసవము మాకు మార్గదర్శి
విధినిషేధము లను వెఱ్ఱులు లేవు క
ల్లంగడియే మాకు నాలయంబు
ఇంపు సొంపులలెక్క యిసుమంతయును లేదు
తెలివితేటలు మాఁకు గలలకలిమి
మేము విజ్ఞుల మని యేమఱి తలఁపకుఁ
డతిప్రమత్తత మాకు నాత్మవిద్య.
617
ఓ మతీ ! నీవు ప్రియురాలి యోలగమున
కరిగినప్పుడె స్వాతంత్ర్య మరిగిపోయె ;
నామెతోఁగూడికొనిన దగ్ధాసవమున
విధినిషేదంబు లన్నియు వెడలిపోయె ;