ఉమర్ ఖయ్యామ్
153
602
చూపులకున్ గురూపమును సోయగమొక్కటె ప్రేమయున్న ; ను
ద్దీపితనాకమున్, నరకదీధితి యొక్కటె పిచ్చిప్రేమకున్
రూపఱియున్నవారి కపురూపపుశాలువు ఖద్ద రొక్కటే
యీ పదినాళ్ళ కే యుపల మే యుపధానము నైన నొక్కటే.
603
ఝరులతటంబులన్, వనుల, సామజయానల శాద్వలైక సుం
దర మధుమాసవాసర వితానములన్, గనెదేని యా దెసన్
బరుగునఁ బొమ్ముషస్సులను బట్టినమద్యముద్రావి ; గుళ్ళు గో
పురముల కే మసీదులకుఁ బోయిన వ్యర్ధము నిన్నుఁబిల్తురే ?
604
"కాబా" యైనను, మద్యశాల యయినన్ గాదే తపోమందిరం ?
బా బింబాధర వేణుగానము తపోధ్యానైక గీతంబు గా
దే ? బుద్ధాలయమైనఁ యూధుగుడియౌ నేనిన్ దపోవాటి కా
దే ? బంగారపు క్రాసెయైన, జపమా లేనిన్ దపశ్చిహ్నమే !
605
ప్రేమ మహామనీషులకు వీతరుజా మధుశృంగపాత్ర ; మీ
ప్రేమ నవీనయౌవనము పేరిటి గీతములోని భావ ; మీ
ప్రేమ మనీషిలీల లరరే ! రవమేనియు నీవెఱుంగ వీ
ప్రేమయె జీవితం ; బిదియె వెంటనెయుండు సతంబు నీడ యై.