Jump to content

పుట:2015.370800.Shatakasanputamu.pdf/619

వికీసోర్స్ నుండి
ఈ పుట అచ్చుదిద్దబడ్డది


క.

శ్రీమత్పరమేశ్వరకరు
ణామధురస యురగలోకనాయక కృష్ణా
ప్రేమను నిను నమ్మితిరా
శ్రీ...

75


క.

శ్రీమత్పరమదయానిధి
శ్రీమత్పంకేరుహాక్ష శ్రీయుతవక్షా
శ్రీమానినీమనోహర
శ్రీ...

76


క.

శ్రీమధురాపురి వెలసిన
శ్రీమృదుశ్రీపాదములను జెన్నలరంగా
నామనమున సేవించెద
శ్రీ...

77


క.

భీమనకులధర్మార్జున
స్తోమము పరిపాలనమున సొంపు వహించెన్
సామివనిఁ బ్రస్తుతించెద
శ్రీ...

78


క.

శ్రీమధుసూదన ధర్మ
శ్రీమద్వసుదేవతనయ శ్రీకర కృష్ణా
యేమిర యిఁక ననుఁ బ్రోవర
శ్రీ...

79


క.

శ్రీమురళీధర హేలా
శ్రీమద్గోపాల భక్తసేవితశీలా
శ్రీమునిరా డర్చితపద
శ్రీ...

80


క.

సోమకుఁడు వార్ధిలోపల
ధీమతితో నుండువానిఁ ద్రెంచి శ్రుతుల నా
తామరసగర్భు కొసగవె
శ్రీ...

81