చ. |
దొరవని నిన్ను నేఁ గొలిచి దోసముఁ బాసితి నింక నీవు నా
మొర వినవేల మాధవ! సముజ్జ్వలభూరికృపారసంబుచే
నరయవదేల ఘోరదురితాంబుధియందు మునుంగఁజాలు నీ
మఱుఁగునఁ జేరినాఁడ మటుమాయలఁ బెట్టకు రామ...
| 99
|
ఉ. |
నారదగానలీల! ఖగనాయకయానవిభాసమాస! వి
స్తారమహోగ్రదుష్కృతవితానవిదారణసన్నిధాన బృం
దారకనాథవహ్ని హరిదశ్వసుతాస్రపజీవనాధిరా
ణ్మారుతరాజరాజ శివనారదరక్షణ రామ...
| 100
|
చ. |
పరమయాసముద్ర భవబంధవిమోచన బాణతూణ వి
స్ఫురదరవిందనేత్ర సురపూజితకంఠలసద్విభూషణో
త్కరదశకంఠలుంఠ మగుతావకకీర్తిలతాంగికం బురు
ట్సరములు గాఁగ నాకవితసారె కొసంగెద రామ...
| 101
|
ఉ. |
శ్రీయుత కాశ్యపాన్వయ సరిద్వర శీతకరుండు పల్లివం
శీయుఁ డనంగ నొప్పు నరసింహకవీంద్రున కాత్మజుండ నే
నో యతులప్రభావలసదుత్పలమాలలు నీ కొసంగెదన్
బాయక పార్వతీశుఁడను భక్తుఁడఁ బ్రోవుము రామ...
| 102
|
శ్రీరామరాఘవశతకము సంపూర్ణము