Jump to content

పుట:2015.370800.Shatakasanputamu.pdf/559

వికీసోర్స్ నుండి
ఈ పుట అచ్చుదిద్దబడ్డది

608

భక్తిరసశతకసంపుటము


ఉ.

పొంచి రఘూద్వహుండు ధనువు న్గుణరావ మొనర్చి లక్ష్యము
న్గాంచి మహోగ్రదివ్యవిశిఖంబున భూస్థలిఁ గూల వాలి భం
జించి పతంగపుత్రకునిఁ జేకొని రాజ్య మొసంగి వాని క
భ్యంచితలీల గామితవరాల నొసంగవె రామ...

38


చ.

కడువడితోడ మీపనులఁ గాంక్ష జనింప సమీహితేచ్ఛచే
నుడుగక వాలమం దిడి మహోర్జితసైకతజాల మంబుధి
న్విడువక వేయునయ్యుడుత వీపు పయిం దొరలాడఁ జేతితో
దడయక ద్రువ్వి బ్రోచితివి దైత్యవిభంజన రామ...

39


ఉ.

వాచవిఁగొన్న తియ్యని నవాయతపక్వఫలంబు లాత్మకున్
నీచముగాఁ దలంపకయ నిస్తులలీల భుజించి ప్రీతిచే
గాచఁదలంచి యిష్టశుభకామఫలంబు లొసంగి వేడ్కతోఁ
గాచవె సత్కృపన్ శబరి కామిని నీ విల రామ...

40


ఉ.

శ్రీకరపుణ్యమూర్తి వని చిత్తమునందు మునీంద్రులెల్ల నీ
రాకను గోరియుండి మది రంజిలుచున్ వినతాంతరంగు లై
చేకొనఁ బూర్ణశీతకరుఁ జేరు చకోరనికాయమట్ల నీ
ప్రాకటసత్కృపోన్నతికి బాల్పడియుండరె రామ...

41


ఉ.

నక్ర మవక్రవిక్రమమునం జలమందుఁ బదంబుపట్టి ని